İsrail Müdafiə Qoşunlarının aviasiyası Livanın cənub-şərqində yerləşən şəhərlərə yeni silsilə zərbələr endirib.
“Füyuzat”ın məlumatına görə, bu barədə İranın dövlət televiziyası “Press TV” telekanalı məlumat yayıb.
Məlumata görə, zərbələr Sohmor, Yahmar və Labaya kimi şəhərlərdə həyata keçirilib.
Sentyabrın 23-də İsrail Livanda Hizbullah militantlarına qarşı “Şimalın oxları” adlı hərbi əməliyyata başlayıb. Əməliyyat zamanı təşkilatın hərbi obyektlərinə böyük zərbələr endirilib. Qeyd edilib ki, məqsəd İsrailin şimal sərhəd bölgələrində təhlükəsiz şərait yaratmaqdır.
