İsrail Hərbi Hava Qüvvələrinin qırıcıları Livanın paytaxtı Beyrutun cənub ətrafı və ətrafında Hizbullah obyektlərinin yerləşdiyi ərazilərə hücum edib.
“Füyuzat”ın məlumatına görə, bu barədə TASS məlumat yayıb.
Məlumata görə, Haret-Xoreyk məhəlləsində ən azı üç güclü partlayış səsi eşidilib.
Beyrutun kənar hissələrində hava hücumu davam edir.
Rafik Həriri Beynəlxalq Hava Limanının perimetrində yerləşən Əl-Şueyfat məhəlləsindən hava hücumları barədə məlumat daxil olub.
İsrail Hərbi Hava Qüvvələri sonuncu dəfə oktyabrın 16-da paytaxta zərbələr endirib.
