“Avropa İttifaqının (Aİ) “Şimal axını 2” layihəsi ilə bağlı mövqeyi dəyişməyib, o, ittifaqın maraqlarına cavab vermir”.
“Füyuzat”ın məlumatına görə, bunu Brüsseldə keçirdiyi mətbuat konfransında Avropa Komissiyasının (AK) nümayəndəsi Anna-Kaisa İtkonen qaz kəməri danışıqlarıyla bağlı mətbuatda gedən xəbərləri şərh edərkən deyib.
“Mövqeyimiz dəyişməyib. Fikrimiz aydındır: “Şimal axını” bizim ümumi maraqlarımıza cavab verən layihə deyil. O, Aİ-nin enerji mənbələrini diversifikasiya etmir”, – İtkonen deyib.
