Azərbaycanın onlayn media mühitində özünəməxsus yeri olan və obyektiv xəbər prinsipləri ilə seçilən Demokrat.az xəbər portalı fəaliyyətinin 8-ci ilini qeyd edir.
Səkkiz illik peşəkar yol
11 mart 2018-ci il tarixində fəaliyyətə başlayan portal, ötən müddət ərzində sürətli inkişaf yolu keçərək ölkənin qabaqcıl informasiya resurslarından birinə çevrilib. “Demokrat Media” şirkətinin tərkibində uğurla fəaliyyət göstərən sayt, ilk gündən cəmiyyətin müxtəlif təbəqələrinin səsini çatdıran azad və müstəqil platforma olmağı qarşısına məqsəd qoyub.
Keyfiyyət və Etimadın Göstəricisi
Media Reyestrinə daxil olan ilk internet resurslarından biri kimi “Demokrat.az”, həm də Medianın İnkişafı Agentliyinin (MEDİA) keçirdiyi müsabiqələrin qalibi olaraq öz peşəkarlığını dövlət səviyyəsində təsdiqləyib. Sağlam rəqabət mühitində inkişaf edən portal, bu gün geniş auditoriya rəğbəti qazanaraq informasiya təhlükəsizliyimizə öz töhfəsini verməkdədir.
“Fuyuzat.az” kollektivi olaraq, həmkarlarımızı ürəkdən təbrik edir, onlara yeni yaradıcılıq uğurları və hər zaman geniş oxucu auditoriyası arzulayırıq.
