Türkiyənin Burdur Muzeyindən götürülmüş Roma dövrünə aid 18 əsər Kopenhagendə keçirilən beynəlxalq sərgiyə göndərilib.
“Füyuzat” xəbər verir ki, moda ilə Roma dövrünün statusu və güc strukturu arasındakı əlaqəni araşdıran sərgidə dünyanın aparıcı muzeylərindən seçilmiş əsərlərlə yanaşı, həmçinin Anadolu mədəni irsi də nümayiş etdirilir.
Kopenhagendəki “Ny Carlsberg Glyptotek” Muzeyində keçirilən “Roma imperiyasında modanın gücü” adlı sərgi 2027-ci il martın 29-na qədər davam edəcək. Sərgi müddəti ərzində təhsil proqramları, turlar, konfranslar, fənlərarası tədbirlər və model agentlikləri və nəşriyyatlarla tədbirlər planlaşdırılır.
Türkiyənin mədəniyyət və turizm naziri Mehmet Nuri Ersoy bildirib: “Tarix və incəsənət həvəskarlarını Anadolunun zəngin tarixi ilə tanış etməkdən məmnunuq. Bu sərginin hazırlanmasında əməyi keçən hər kəsə təşəkkür etmək istəyirəm”.
