Avropa İttifaqının (Aİ) peyk monitorinq sistemi olan “Kopernik” 2024-cü ilin Avropa üçün ən isti il olduğunu açıqlayıb.
“Füyuzat”ın məlumatına görə, Kopernik İqlim Dəyişikliyi Xidmət və Ümumdünya Meteorologiya Təşkilatı (WMO) tərəfindən hazırlanan Avropa İqlim Dövləti 2024 (ESOTC 2024) hesabatı ictimaiyyətlə paylaşılıb.
Müvafiq olaraq, Avropa “ən sürətlə istiləşən” qitə statusunu özündə saxlayıb.
Məlumata görə, qitənin mərkəzi, şərq və cənub-şərq hissələrində rekord temperatur qeydə alınıb.
Bütün il ərzində Avropa regionunda dənizin temperaturu orta səviyyədən 0,7 dərəcə yüksək olub.
