“BMT Təhlükəsizlik Şurası öz məsuliyyətlərini yerinə yetirməli və İsrailin törətdiyi cinayətlərə qəti şəkildə cavab verməlidir”.
“Füyuzat”ın məlumatına görə, bunu İranın xarici işlər naziri Abbas Əraqçi-Nyu Yorkda BMT Baş Assambleyasının 79-cu sessiyasının iclası zamanı çıxışında deyib.
“BMT Təhlükəsizlik Şurası beynəlxalq sülh və təhlükəsizliyi qorumaq üçün məsuliyyət daşıyır. Əgər o, üzərinə düşən öhdəliyi yerinə yetirməzsə, bölgə hərtərəfli qarşıdurmaya sürüklənmə təhlükəsi ilə üz-üzə qalacaq. İsrail tərəfdarları, xüsusilə ABŞ və Böyük Britaniya çox gec olmadan tədbir görməlidirlər”, – Əraqçi bildirib.
