Bakı Dövlət Universitetinin Milli mətbuat tarixi kafedrasının müdiri, görkəmli jurnalist, professor Cahangir Məmmədlinin yeni kitabı işıq üzü görüb.
“Füyuzat”ın məlumatına görə, “Altmışıncılar nəsrinin poetikası” adlı kitab 1960-1990-cı illərdəki Azərbaycan nəsri barədə geniş bilgiləri özündə əks etdirir.
Sözügedən monoqrafiya həmin illərdə nəsrin xüsusilə povest janrındakı yeni meyillərinin elmi-nəzəri təhlilini verir.
Dörd fəsildən ibarət olan kitab janrın inkişaf parametrlərini ümumdünya ədəbi kontekstində araşdırır.
Qeyd edək ki, kitab MİMTA Yayımlarında nəşr edilib.
