Rusiya Federal Təhlükəsizlik Xidməti Dağıstanda keçirilən xüsusi əməliyyat nəticəsində Moskvada “Crocus City Hall” konsert zalında törədilən terror aktını pul və silahla təmin etməkdə şübhəli bilinən 4 xarici vətəndaşın yaxalandığını bildirib.
“Füyuzat”ın məlumatına görə, bu barədə xidmət açıqlama yayıb.
Bildirilib ki, martın 31-də Rusiya Federasiyasının Dağıstan Respublikasında keçirilən əməliyyatla Kaspiysk şəhərində 4 xarici vətəndaşın terror aktı hazırladığı kamera evinə basqın edilib və onların hərəkətlərinin qarşısı alınıb.
“Saxlanılan silahlıların martın 22-də Moskvada “Crocus City Hall” konsert zalında törədilən terror aktını törədənlərin maliyyə və silahla təmin edilməsində bilavasitə iştirak etdikləri də müəyyən edilib”, – açıqlamada qeyd edilib.
Şübhəlilərin Dağıstanda sözügedən bölgədə kəşfiyyat apardıqları və bu şəxslərin hazırladıqları əldəqayırma partlayıcı maddələrin və avtomat silahların ələ keçirildiyi, şübhəlilərin terror aktından dərhal sonra Rusiyanı tərk etmək niyyətində olduqları bildirilib.
