Yaponiya hökuməti 164 kateqoriyada məhsulun Rusiyaya ixracını qadağan edib.
“Füyuzat”ın məlumatına görə, bu barədə Yaponiya İqtisadiyyat Nazirliyi bildirib.
Məlumata görə, yeni ticarət məhdudiyyətləri aprelin 17-dən qüvvəyə minəcək.
Qeyd edək ki, qara siyahıya düşən mallar arasında motor yağları, litium-ion akkumulyatorlar, neft və qaz kəmərləri üçün borular və nitroselüloz var. Yaponiya istehsalı olan yaxtaların, istirahət gəmilərinin, yanğınsöndürən qayıqların, qazma qurğularının və üzən dokların ixracı da qadağan edilib.
