“Qərb Ukrayna üçün F-16 qırıcılarının potensialını inkişaf etdirməyə davam etmək və digər silahlarla təmin etmək niyyətindədir”.
“Füyuzat”ın məlumatına görə, bunu ABŞ-ın müdafiə naziri Lloyd Ostin Brüsseldə NATO-ya üzv ölkələrin nazirlərinin görüşündən sonra keçirilən mətbuat konfransında deyib.
“Hazırkı mübarizədə onlara özlərini müdafiə etməkdə kömək etmək bir məqsəddir. Digər məqsəd isə Ukraynanı gələcək təcavüzdən müdafiə etmək və təcavüzün qarşısını almaq üçün onlara lazım olan hər şeyə sahib olmalarına kömək etməkdir. Koalisiyalar bunun üçün yaradılmışdır”, – nazir bildirib.
O vurğulayıb ki, Ukraynaya artilleriya və sursat, pilotsuz uçuş aparatları, eləcə də kiberməkanda təhlükəsizliyin təmin edilməsində kömək edən bir sıra Qərb ölkələrinin koalisiyaları hələ də var.
