“Mənim administrasiyam dövründə Yaxın Şərqdə sülh var idi və bu çox yaxında yenidən bərpa olacaq”.
“Füyuzat”ın məlumatına görə, bunu Respublikaçılar Partiyasından prezidentliyə namizəd Donald Tramp deyib.
“Mən vitse-prezident Kamala Harris və ABŞ Prezidenti Co Baydenin yaratdığı problemləri həll edəcəyəm və Livandakı əzabları, həmçinin dağıntıları dayandıracağam. Mən Yaxın Şərqdə davamlı sülhə qayıdış görmək istəyirəm və biz bunu düzgün edəcəyik ki, hər 5-10 ildən bir təkrarlanmasın. Mən bütün Livan icmaları arasında bərabərhüquqlu tərəfdaşlığı qoruyacağam. Livandakı dostlarımız və onların ailələri öz qonşuları ilə sülh, firavanlıq və harmoniyada yaşamağa layiqdirlər və buna yalnız Yaxın Şərqdə sülh və sabitlik ilə nail olmaq olar”, – Tramp bildirib.
