Rusiyanın Baş naziri Mixail Mişustin avqustun 14-də Qırğızıstana səfər edəcək. O, səfəri çərçivəsində Qırğızıstan Respublikasının Prezidenti Sadır Japarov, Baş nazir Adılbek Kasıməliyevlə görüşəcək, həmçinin Avrasiya Hökumətlərarası Şurasının (EIGC) iclasında iştirak edəcək.
“Füyuzat”ın məlumatına görə, bu barədə Qırğızıstan hökumətinin mətbuat xidməti məlumat yayıb.
“Qarşıdan gələn rəsmi səfər çərçivəsində Nazirlər Kabinetinin sədri, Qırğızıstan Respublikası Prezidentinin Administrasiyasının rəhbəri Adılbek Kasıməliyevlə Qırğızıstan-Rusiya gündəliyinin geniş spektri, o cümlədən ticarət-iqtisadi əlaqələr, birgə layihələrin həyata keçirilməsi və inteqrasiya çərçivəsində səylərin əlaqələndirilməsi üzrə ikitərəfli danışıqların aparılması planlaşdırılır”, – məlumatda bildirilib.
