“Rusiyanın üç ən böyük taxıl ixracatçısına donanmalarını yeniləmək üçün 60-dan çox yük daşıyıcısı lazımdır, lakin Rusiyada onların tikintisinin dəyəri Çindəkindən dörd dəfə yüksəkdir”.
“Füyuzat”ın məlumatına görə, bu barədə “Kommersant” məlumat yayıb.
Qeyd edilib ki, istehsal xərclərinin baha olması səbəbindən “Rosaqrolizinq” və “Birləşmiş Gəmiqayırma Korporasiyası” (USC) Çin tərsanələri ilə ilkin mərhələdə on gəminin tikintisi barədə razılığa gəliblər.
Rusiya taxıl ixracatçıları ümumilikdə 61 iritonajlı gəmini dəyişdirməlidirlər.
“Birləşmiş Gəmiqayırma Korporasiyası”nın hesablamalarına görə, Rusiya gəmiqayırma zavodlarında yükdaşıyanların tikintisi çeşidinə görə 13,9 milyard rubl, 12,5 milyard rubl, 16,5 milyard və 14,6 milyard rubla başa gələcək. Eyni zamanda, Çində istehsal olunacaq gəmi üçün xərclər müvafiq olaraq 3,5 milyard rubl və 4,2 milyarda başa gəlir.
Bundan əlavə, “Birləşmiş Gəmiqayırma Korporasiyası”nın nümayəndələri qeyd edir ki, Rusiyada əsas gəmilərin inşası müddəti “bir sıra gəmiqayırma zavodlarının modernləşdirilməsi, habelə sifarişin yerinə yetirilməsi və göstərilən qiymət parametrlərinə nail olmaq üçün əlavə dövlət dəstəyi vəsaitlərinin ayrılması şərtilə” ən azı iki il yarım olacaq. Əvəzində isə “Rosaqrolizinq” artıq Çində bir il və ya il yarım sonra ilk gəmiləri inşa etməyə hazır olan tərəfdaş tapıb.
“Rosaqrolizinq” və “Birləşmiş Gəmiqayırma Korporasiyası” tərəfindən razılaşdırılmış yanaşmaya əsasən, ilk on yükdaşıyan gəminin tamamilə Çində inşa edilməsi planlaşdırılır.
“Infoline-Analytics” şirkətinin rəhbəri Mixail Burmistrovun sözlərinə görə, Rusiya nəhəng iri tonajlı gəmilərin tikintisində Çinlə rəqabət apara bilməz və buna cəhd etməyəcək. O qeyd edib ki, Rusiya gəmiqayırmasında yüksək texnologiyalar sahəsində böyük çatışmazlıq yaşayır və ucuz işçi qüvvəsi qiymətlərin Çinlə müqayisədə bir neçə dəfə bahalaşmasına səbəb olur.
