İsrailin xarici işlər naziri Gideon Saar Vaşinqtonda ABŞ dövlət katibi Marko Rubio ilə görüş keçirdiyini və regiondakı vəziyyəti, İranla bağlı problemləri, Qəzza zolağında HƏMAS hərəkatına qarşı müharibəni, beynəlxalq aləmdə anti-İsrail təşəbbüslərinə qarşı mübarizəni müzakirə etdiyini bildirib.
“Füyuzat”ın məlumatına görə, bu barədə İsrail Xarici İşlər Nazirliyinin mətbuat xidməti məlumat yayıb.
“Mən ABŞ Dövlət Departamentində Rubio ilə görüşdüm. Görüşdə bu gün Yaxın Şərqdə mövcud olan problemlər və imkanlar, o cümlədən iki ölkə arasında İran rejiminin nüvə təhlükəsinin aradan qaldırılmasında misli görünməmiş əməkdaşlıqdan sonra bölgədəki vəziyyət və Qəzzada müharibənin mümkün bərpası fonunda baş verə biləcəklər barədə müzakirələr apardım. BMT Baş Assambleyasında, həmçinin beynəlxalq arenada anti-İsrail təşəbbüslərinə qarşı mübarizədə əməkdaşlığı da müzakirə etdik.
Mən Rubioya bu illər ərzində İsraillə bağlı ardıcıl mövqeyinə, həmçinin ABŞ prezidenti Donald Tramp və onun administrasiyasının İsrailə güclü dəstəyinə görə təşəkkür edirəm”, – Saar əlavə edib.
