İranda Rask və Çabahar şəhərlərində polis məntəqələrinə hücum edən 15 terrorçu zərərsizləşdirilib.
“Füyuzat”ın məlumatına görə, bu barədə İslam İnqilabı Keşikçiləri Korpusu məlumat yayıb.
İran KİV-ləri qeyd edib ki, polis məntəqələrinə edilən terror aktı zamanı 8 təhlükəsizlik qüvvəsi həlak olub, 10 nəfər yaralanıb.
İranın təhlükəsizlik nazirinin müavini bundan əvvəl 8 terrorçunun öldürüldüyünü, digərlərinin isə mühasirədə olan yaşayış evində gizləndiyini bildirib.
Hücum gecə saatlarında Rask və Çabahar şəhərlərində baş verib. Hücumu “Ceyş əl-Ədl” qruplaşması həyata keçirib. Təhlükəsizlik qüvvələrinin 3 əməkdaşının öldürüldüyü bildirilib.
İran rəsmiləri sözügedən hücumla bağlı İsraili günahlandırıb.
