Gürcüstan prezidenti Salome Zurabişvili parlamentdə qəbul ediləcəyi təqdirdə xarici agentlər haqqında qanuna veto qoyacağını bildirib.
“Füyuzat”ın məlumatına görə, Gürcüstan prezidenti bu barədə BBC-yə deyib.
“Mən, həqiqətən də, Avropa İttifaqının tövsiyələrinə zidd gedən bütün digər qanunları veto etdiyim kimi, bu qanunu da veto edəcəyəm”, – Zurabişvili qeyd edib.
Onun sözlərinə görə, parlamentdə hökuməti formalaşdıran partiya nümayəndələri çox olduğu üçün onlar vetonu ləğv edəcək. Bununla belə, o, vetodan “xalqın səsinin eşidilməsi” üçün istifadə edəcək.
