Mayak gözətçisi quşları çox sevir,
Minlərlə quş mayakın işığına gəlir.
Minlərlə quş kor olur, minlərlə quş çırpılır mayaka,
Minlərlə quş ölür,
Minlərlə quş leşi düşür yerə.
Və gözətçi dözə bilmir buna,
Dözə bilmir çox sevdiyi quşların ölümünə.
“Qoy cəhənnəm olsun hər şey!” – deyir.
Və mayakı söndürür. Mayak işıq saçmır daha.
Dənizdə gəmi rifə çırpılır,
Tropik ölkələrdən gələn gəmi,
Minlərlə quş gətirən gəmi.
Tropik ölkələrdən gətirilən minlərlə quş,
Minlərlə batan quş.
Tərcümə: Həmid Piriyev
