ABŞ hakimiyyəti İranın nüvə proqramı ilə əlaqəsi olduğu iddia edilən bir şəxs və beş şirkətə məhdudiyyətlər qoyub.
“Füyuzat”ın məlumatına görə, bu barədə ABŞ Maliyyə Nazirliyinin mətbuat xidmətinin yaydığı bəyanatda deyilir.
ABŞ Maliyyə Nazirliyinin Xarici Aktivlərə Nəzarət İdarəsinin saytında yerləşdirilən məlumatlara görə, məhdudiyyətlər bir İran vətəndaşı və İslam Respublikasında yerləşən beş şirkətə aiddir. Sənədə görə, sanksiyalar “İranın nüvə proqramını idarə edən və ona nəzarət edən əsas şirkətlərə dəstək” iddiası əsasında tətbiq edilib. ABŞ administrasiyasına görə, məhdudiyyətlərə tabe olan fiziki və hüquqi şəxslər Tehranın nüvə silahının hazırlanmasında istifadə edildiyi iddia edilən “kritik texnologiyaları təchiz edib və ya istehsal ediblər”.
