“Fevralın 27-də ABŞ və Rusiya nümayəndə heyətləri İstanbulda konstruktiv müzakirə aparıb və diplomatik missiyaların işinin sabitləşdirilməsi istiqamətində ilk addımları müəyyən ediblər”.
“Füyuzat”ın məlumatına görə, bu barədə cümə axşamı ABŞ Dövlət Departamentinin mətbuat xidmətinin yaydığı məlumatda bildirilib.
Sənədə əsasən, ABŞ nümayəndələri müqavilə çərçivəsində göstərilən bank əməliyyatları və xidmətlərinə çıxışla bağlı narahatlıqlarını ifadə ediblər, həmçinin ABŞ-ın Moskvadakı səfirliyinin sabit və davamlı kadr təminatına ehtiyac olduğunu qeyd ediblər.
“Konstruktiv müzakirələr yolu ilə hər iki tərəf bu sahələrdə missiyaların işinin ikitərəfli sabitləşdirilməsi istiqamətində konkret ilkin addımların atılmasının vacibliyini qeyd edib”, – məlumatda bildirilib.
