“ABŞ prezidenti Donald Trampın mövqeyi ondan ibarətdir ki, Avropa Ukrayna münaqişəsinin həllinə nail olmaq üçün daha çox iş görməlidir”.
“Füyuzat”ın məlumatına görə, bu barədə Ağ Evin mətbuat katibi Karolin Levitt bildirib.
“Tramp istər Rusiya və Ukrayna arasında müharibəni dayandırmaq səyləri baxımından, istər NATO-ya xərclər, istərsə də özünün müdafiə xərcləri baxımından olsun “Avropa daha çox iş görməlidir” fikrini təkid edir. Bir çox avropalı liderlər Ağ Evi ziyarət edəndə o, bunu həm xüsusi, həm də açıq şəkildə onlara çatdırıb”, – mətbuat katibi əlavə edib.
