ABŞ prezidenti Co Bayden və İsrailin baş naziri Benyamin Netanyahu Qəzzada dərhal atəşkəs əldə edilməsi məsələlərini müzakirə ediblər.
“Füyuzat”ın məlumatına görə, bu barədə Ağ Evdən bildirib.
Qeyd edilib ki, Qəzza zolağında dərhal atəşkəs və girovların azad edilməsi məsələləri ABŞ prezidenti Co Bayden və İsrailin baş naziri Benyamin Netanyahu arasında telefon danışığında diqqət mərkəzində olub.
“Prezident İranın bu ayın əvvəlində misli görünməmiş raket və pilotsuz təyyarə hücumuna qarşı uğurlu müdafiəsindən sonra İsrailin təhlükəsizliyinə sadiqliyini bir daha təsdiqləyib. Onlar həmçinin Qəzzada dərhal atəşkəs ilə birlikdə girovların azad edilməsi üçün davam edən danışıqları nəzərdən keçiriblər”, – Ağ Evdən qeyd edilib.
Bayden və Netanyahu həmçinin Qəzzaya humanitar yardımın çatdırılmasında artımı müzakirə ediblər.
