ABŞ-ın Oreqon sahillərinin palçıqlıqlarında əvvəllər elmə məlum olmayan “Candidatus Electrotrix yaqonensis” adlı elektrik ötürmə xüsusiyyətinə malik bakteriya növü aşkar edilib.
“Füyuzat”ın məlumatına görə, bu bakteriyanı Oreqon Dövlət Universitetindən Cheng Li və professor Clare Reimers kəşf edib.
Verilən məlumata görə, hüceyrələri uzun saplar əmələ gətirmək üçün bir-birinə bağlanan bakteriyalar, nikellə zəngin keçirici lifləri sayəsində elektronları uzun məsafələrə daşıya bilirlər.
Bakteriyaların elektron daşıma qabiliyyəti o deməkdir ki, o, çirklənmiş çöküntülərdən zərərli maddələrin çıxarılması kimi ekoloji tətbiqlərdə istifadə edilə bilər. Eyni zamanda, bu bakteriyada tapılan yüksək keçirici nikel örtüklü zülallar yeni nəsil bioelektronik cihazların dizaynına da kömək edə bilər.
Qeyd edək ki, bakteriyalara verilən ad kəşf edildiyi ərazinin yerli əhalisi olan Yaqona icmasının adı ilə bağlıdır.
