“Cənubi Kuril adaları II Dünya müharibəsinin nəticələrinə əsasən, beynəlxalq hüquq çərçivəsində Rusiyanın ayrılmaz hissəsidir”.
“Füyuzat”ın məlumatına görə, bunu Rusiya Xarici İşlər Nazirliyinin sözçüsü Mariya Zaxarova brifinqdə bildirib.
O qeyd edib ki, Cənubi Kuril adaları üzərində Rusiyanın suverenliyi danılmazdır.
“Rusiyanın adalar üzərində suverenliyi nəinki danılmazdır, həm də müzakirə mövzusu deyil. Heç bir hesabat və kitab bunu dəyişə bilməz”, – Zaxarova əlavə edib.
Bundan əvvəl, Yaponiya Xarici İşlər Nazirliyi bildirmişdi ki, Cənubi Kuril adaları Rusiya tərəfindən “qanunsuz işğal” edilib.
