ABŞ-ın müdafiə naziri Lloyd Ostin və Türkiyənin müdafiə naziri Yaşar Gülər bazar günü telefonla danışıb.
“Füyuzat”ın məlumatına görə, bunu Pentaqonun mətbuat katibi Patrik Rayder deyib.
“İki ölkənin müdafiə nazirliklərinin rəhbərləri Suriyadakı hadisələri müzakirə ediblər. Ostin Birləşmiş Ştatların Suriyadakı müxtəlif müxalif qrupların bəyanatlarını və hərəkətlərini diqqətlə izlədiyini vurğulayıb. Nazirlər bu qrupların etnik və dini azlıqlar da daxil olmaqla mülki şəxslərin təhlükəsizliyini təmin etmək üçün addımlar atmalı və beynəlxalq humanitar standartlara hörmətlə yanaşmalı olduqları mövzusunda razılaşıblar. Onlar qeyri-sabit vəziyyətdə olan eskalasiyanın daha da gərginləşməsinin qarşısını almaq, ABŞ qüvvələri və tərəfdaşları üçün hər hansı riskdən qaçmaq və İŞİD terror qruplaşması ilə mübarizə üçün ABŞ-Türkiyə koordinasiyasının vacibliyini bir daha təsdiqləyiblər”, – Rayder bildirib.
