Yaponiya Silahlı Qüvvələri gələn ay ABŞ Dəniz Piyadaları Korpusu ilə genişmiqyaslı “Qətiyyətli Əjdaha” təlimləri keçirəcək. Təlimlər raket sistemlərindən istifadə etməklə, xüsusən də Okinavanın cənub prefekturasının adalarını, cənub-qərbdəki Kyuşu adasını və Yaponiyanın şimalındakı Rusiyaya bitişik Hokkaydo adasını əhatə edəcək.
“Füyuzat”ın məlumatına görə, bu barədə Yaponiya ordusunun komandanlığı bildirib.
Qeyd edilib ki, manevrlər sentyabrın 11-dən 25-dək baş tutacaq.
Təlimlərdə Yaponiyanın 12 min quru qoşunu, təxminən 1900 ABŞ dəniz piyadası və digər şəxsi heyət iştirak edəcək və raket sistemlərindən istifadə etməklə canlı atəş təlimləri keçiriləcək.
