Hindistanın Baş naziri Narendra Modi Kazanda keçiriləcək BRİCS sammiti üçün Rusiyaya səfər edəcək.
“Füyuzat”ın məlumatına görə, bu barədə Hindistan Xarici İşlər Nazirliyi məlumat yayıb.
“Baş nazir cənab Narendra Modi 2024-cü il oktyabrın 22-dən 23-dək Rusiya Federasiyasının Prezidenti Zati-aliləri cənab Vladimir Putinin dəvəti ilə Rusiyanın sədrliyi ilə Kazanda keçiriləcək BRİCS-in 16-cı Sammitində iştirak etmək üçün Rusiyaya səfər edəcək”, – deyə məlumatda deyilir.
Departament qeyd edib ki, görüş liderlər üçün əsas dünya problemlərini müzakirə etmək üçün mühüm platformaya çevriləcək: “Sammit BRİCS tərəfindən irəli sürülən təşəbbüslərin gedişatını qiymətləndirmək və gələcək əməkdaşlıq üçün potensial sahələri müəyyən etmək imkanı verəcək”.
“Səfər zamanı baş nazirin Kazanda BRİCS ölkələrindən olan həmkarları və dəvət olunmuş liderlərlə ikitərəfli görüşləri də gözlənilir”, – Hindistan Xarici İşlər Nazirliyi bildirib.
