CNN iddia edir ki, Respublikaçılar Partiyasından prezidentliyə namizəd Donald Trampın “Fox News” telekanalındakı açıqlamaları tamaşaçıların onun “rüsvayçı şərhləri” və “yalan ifadələri”ni görməsinin qarşısını almaq üçün redaktə edilib.
“Füyuzat”ın məlumatına görə, bundan əvvəl “Fox News” telekanalı Trampın Nyu-Yorkun Bronks rayonunda bərbər dükanına səfərini nümayiş etdirib.
CNN bildirib ki, Trampın bərbərxanaya səfərinin instaqramda yerləşdirilən daha dolğun videosunu əldə edib və videonu kanalda göstərilən kadrlarla müqayisə edib.
CNN “Fox News”un Trampın şayiə xarakterli fikirlərini və şişirtmələrini görməzdən gəldiyini iddia edib.
“Fox News” sözçüsü CNN-ə proqramın “vaxt məhdudiyyətlərini nəzərə almaq üçün” redaktə edildiyini təsdiqləyib.
