“ABŞ Hərbi Dəniz Qüvvələri London və Vaşinqtonda Rusiyanın Şimali Atlantika və Arktikada fəaliyyəti ilə bağlı artan narahatlıqlar fonunda Soyuq müharibədən sonra ilk dəfə şimal-şərqi Şotlandiyada “Boeing P-8A Poseidon” dəniz müşahidə təyyarəsini yerləşdirir”.
“Füyuzat”ın məlumatına görə, bu barədə “The Times” qəzeti Böyük Britaniyanın Müdafiə Nazirliyinə istinadən məlumat yayıb.
“Lossiemouth” aviabazasının modernləşdirilməsi və yenilənməsi üçün 443 milyon dollar dəyərində 6 illik layihə tamamlanıb. Biz NATO-da ən yaxın müttəfiqlərimizdən biri olan ABŞ qüvvələri ilə daim çiyin-çiyinə işləyirik. Britaniya Kral Hərbi Hava Qüvvələri bazasında ABŞ Hərbi Dəniz Qüvvələrinin dəniz patrul təyyarələrinin olması qüvvələrimizə dəniz təhlükəsizliyini problemsiz şəkildə təmin etməyə imkan verir və Krallığın, həmçinin NATO-nun müdafiəsini gücləndirməyə kömək edir”, – məlumatda bildirilib.
