“Avropa İttifaqı (Aİ) və onun üzvü olan ölkələr Ukraynanı dəstəkləmək üçün artıq 124 milyard avro xərcləyiblər, lakin bu, kifayət deyil və avropalılar Kiyevə yardımı təcili olaraq artırmalıdırlar”.
“Füyuzat”ın məlumatına görə, bunu Avropa komissarı Didye Reynders Avropa Parlamentinin Strasburqda keçirilən sessiyasında deyib.
“Aİ Rusiyanın dondurulmuş aktivlərindən müsadirə olunmuş gəlirin 1,5 milyard avroluq ikinci tranşından Ukraynada hərbi istehsalın inkişafına 1 milyard avro sərmayə qoymaq niyyətindədir. Aİ Kiyevə 1 milyon mərmi tədarük etmək vədini səkkiz ay gec də olsa, yerinə yetirib və Ukrayna Silahlı Qüvvələri üçün 65 min əsgərin təlimini artıq başa vurub və daha 10 min əsgər hazırlayacağını vəd edib. Lakin bu, döyüş meydanındakı vəziyyəti dəyişmək üçün kifayət deyil. Aİ ölkələri Ukraynaya təcili olaraq yenidən yardımı artırmalıdır”, – Reynders əlavə edib.
