“Donald Trampın rəhbərlik edəcəyi gələcək ABŞ administrasiyasının Qrenlandiya üzərində nəzarəti təmin etmək üçün hərbi və ya iqtisadi vasitələrdən istifadə etmək qərarının reallaşmasına inanmırıq”.
“Füyuzat”ın məlumatına görə, bu barədə Danimarkanın Baş naziri Mette Frederiksen müsahibəsində deyib.
“Təsəvvür edə bilmirəm ki, bu vəziyyətə düşəcəyik. Düşünürəm ki, biz bir-birimizlə əlaqə saxlamağa davam etməliyik və bunu düzgün şəkildə etməliyik. Maliyyə imkanları ilə mübarizə aparmaq ən yaxşı yol hesab oluna bilməz və ABŞ Danimarkanın ən mühüm və ən yaxın müttəfiqidir. Birləşmiş Ştatların çox yaxın müttəfiqi olaraq, mən hesab edirəm ki, Amerikanın bölgəyə marağının artmasına sevinmək üçün əsas var, lakin bu, Qrenlandiya xalqına hörmətlə baş verməlidir”, – Baş nazir vurğulayıb.
