“Qəzza zolağında aclıq böhranı anklav ərazisinə girişə qoyulan ciddi məhdudiyyətlərin səbəb olduğu ərzaq çatışmazlığı səbəbindən pisləşməkdə davam edir”.
“Füyuzat”ın məlumatına görə, bu barədə BMT-nin Humanitar Məsələlərin Əlaqələndirilməsi İdarəsinin (OCHA) hesabatında bildirilib.
“Qəzza əhalisini üç aydan çox müddətə tam ərzaq paketləri ilə təmin etmək üçün kifayət edəcək təxminən 120.000 ton ərzaq yardımı bölgədən kənarda qalır. Çünki İsrail səlahiyyətliləri ərzaq yardımının çatdırılması üçün əksər müraciətləri əngəlləməkdə davam edir. Humanitar tərəfdaşlar xəbərdarlıq edir ki, Qəzza zolağına əlavə yardım çatdırılmasa, ac ailələrə ərzaq bağlamalarının paylanması ciddi şəkildə məhdudlaşdırılacaq. Qəzza zolağının mərkəzi və cənub hissələrində gündəlik 200.000-dən çox yemək təmin edən 50-yə yaxın icmanın mətbəxi yaxın günlərdə bağlanmaq təhlükəsi ilə üzləşib”, – hesabatda bildirilib.
