Özbəkistanın xarici işlər naziri Bəxtiyor Saidov və ABŞ dövlət katibi Marko Rubio Vaşinqtonda görüş keçirib.
“Füyuzat”ın məlumatına görə, bu barədə nazir teleqram kanalında qeyd edib.
“Cənab Rubio ilə Özbəkistan və ABŞ arasında strateji tərəfdaşlığın cari dinamikası və gələcək istiqamətləri barədə hərtərəfli fikir mübadiləsi aparmaq üçün görüşməkdən məmnunam. Biz siyasi dialoqun gücləndirilməsi, iqtisadi və investisiya əməkdaşlığının genişləndirilməsi, regional əlaqələrin inkişafı, həmçinin Mərkəzi Asiyada təhlükəsizlik və sabitliyin təmin edilməsi daxil olmaqla, əsas mövzuları müzakirə etdik. ABŞ-ın Özbəkistanda aparılan islahatlara güclü dəstəyini yüksək qiymətləndiririk. Biz strateji tərəfdaşlıq çərçivəsində yüksək səviyyəli dialoqu və praktiki əməkdaşlığı davam etdirməklə ikitərəfli münasibətlərin müsbət dinamikasını saxlamaq barədə razılığa gəldik”, – Saidov əlavə edib.
