Özbəkistan əhalisinin sayı 38 milyon nəfərə çatıb.
“Füyuzat”ın məlumatına görə, bu barədə Respublika Statistika Komitəsi məlumat yayıb.
Qeyd edilib ki, Daşkənd vaxtı ilə saat 09:35-ə (Bakı vaxtı ilə 08:35) respublika vətəndaşlarının sayı 38 milyon nəfəri ötüb. Ölkədə kişilərin sayı 19 136 800 nəfər, qadınların sayı isə 18 863 200 nəfərdir.
Ölkə əhalisinin 2030-cu ildə 41 milyonu, 2040-cı ildə 46 milyonu, 2050-ci ildə isə 50 milyonu keçəcəyi gözlənilir.
Komitənin məlumatına görə, 1991-ci ildə Özbəkistanın əhalisi 20,6 milyon nəfər olub.
