Polşanın şərqindəki Lüblin voyevodalığında Polşanın hava məkanını pozan altı pilotsuz uçuş aparatının (PUA) qalıqları tapılıb.
“Füyuzat”ın məlumatına görə, bunu Lüblin şəhərinin regional prokurorluğu bildirib.
“10 sentyabr 2025-ci il səhər saatlarında Bielski rayonu, Krzywowerzba Kolonia, Parczewski rayonu, Wychalow, Parczewski rayonu, Wyryki Wola, Wlodawski rayonu, Voçin, Radzin rayonlarında pilotsuz uçuş aparatlarının qalıqları aşkar olunub. Lüblin Regional Prokurorluğu həmin yerlərə gələn Lüblin Rayon Prokurorluğu və Zamoşça Rayon Prokurorluğunun prokuror qruplarının hərəkətlərini əlaqələndirir”, – agentliyin saytında yerləşdirilən məlumatda deyilir.
Qeyd edək ki, sentyabrın 10-da səhər tezdən Polşa ordusunun əməliyyat komandanlığı ölkənin hava məkanını pozan PUA kimi müəyyən edilən bir neçə obyektin məhv edildiyini açıqlayıb. Hazırda uçan obyektlərin axtarışı aparılır. Respublikanın Baş naziri Donald Tusk sentyabrın 9-dan 10-na keçən gecə ölkənin hava məkanının 19 dəfə pozulmasının qeydə alındığını bildirib. Onun sözlərinə görə, bütün dronlar Belarus ərazisindən uçub. Hazırda üç PUA-nın vurulduğu məlumdur. Hadisə ilə əlaqədar ölkənin bir hissəsi üzərində, o cümlədən Varşava Şopen hava limanı üzərində hava məkanının bir neçə saatlıq bağlanması barədə qərar qəbul edilib. Hadisə ilə əlaqədar Polşa NATO-dan assosiasiyaya üzv dövlətlər arasında məsləhətləşmələrə başlamaq üçün Şimali Atlantika Müqaviləsi 4-cü maddəsinə müraciət etməyi xahiş edib.
