Marsda donmuş su aşkar edilib.
“Füyuzat”ın məlumatına görə, bu barədə “TRT Haber” məlumat yayıb.
Marsın ekvator vulkanlarının üstündə 60 olimpiya hovuzu ölçüsündə donmuş su aşkar edilib.
Avropa Kosmik Agentliyinin ExoMars və Mars Express missiyaları Günəş sisteminin ən yüksək vulkanları olan Tarsis vulkanlarında şaxta aşkar edib.
Elm adamları əvvəllər Marsın bu bölgəsində şaxtanın qeyri-mümkün olacağını düşünürdülər, lakin 2024-cü ilin əvvəlində Mars Express-in Marsın ekvatorunda su buzu olduğuna dair dəlillər tapdığı açıqlanıb.
Şaxta yalnız insan saçının qalınlığı (təxminən millimetrin yüzdə biri qalınlığında) qədər olsa da, çox böyük bir ərazini əhatə edir.
Bu, Marsda soyuq mövsümlərdə təxminən 150 min ton suyun donması və buxarlanması deməkdir. Bu isə təxminən 60 olimpiya hovuzuna bərabərdir.
