Bazar ertəsi hava zərbəsi nəticəsində Suriyada İŞİD terror qruplaşmasının 2 yaraqlısı və onların daşıdığı silahlar məhv edilib.
“Füyuzat”ın məlumatına görə, bu barədə ABŞ Mərkəzi Komandanlığı məlumat yayıb.
“Suriyanın Deyr əz-Zor əyalətinə yüksək dəqiqlikli hava zərbəsi endirilib, iki İŞİD yaraqlısı öldürülüb, biri yaralanıb. Terrorçuların daşıdıqları silahlar da məhv edilib. Zərbə daha əvvəl Suriya rejimi və rusların nəzarətində olan ərazilərə endirilib”, – məlumatda bildirilib.
