ABŞ-ın Kaliforniya ştatına təsir edən atmosferik çay tufanına görə ştatın 8 şəhərində fövqəladə vəziyyət elan edilib.
“Füyuzat”ın məlumatına görə, bu barədə Milli Meteoroloji Xidməti açıqlama verib.
“Güclü atmosferik çay fırtınası Kaliforniyaya təsir edib. Güclü qar, yağış və sahil daşqınları əyalətə təsir etməkdə davam edəcək. Güclü yağışlar həyat üçün təhlükəli vəziyyətlərə səbəb ola bilər”, – açıqlamada qeyd olunub.
Səlahiyyətlilər Kaliforniya ştatında iki gün ərzində daşqınlar baş verə biləcəyi barədə xəbərdarlıq edib.
Kaliforniya qubernatoru Gavin Newsom əlverişsiz hava şəraiti ilə əlaqədar Los-Anceles, Orange, Riverside, San Bernardino, San Dieqo, San Luis Obispo, Santa Barbara və Ventura əyalətlərində fövqəladə vəziyyət elan edildiyini açıqlayıb.
