“Beynəlxalq Atom Enerjisi Agentliyinin (MAQATE) müfəttişləri İranın nüvə obyektlərini yoxlamalı və uran ehtiyatlarını qeydə almalıdırlar”.
“Füyuzat”ın məlumatına görə, bunu agentliyin direktoru Rafael Qrossi MAQATE-nin Rəhbərlər Şurasının ABŞ-ın üç nüvə obyektinə endirdiyi zərbələrdən sonra İrandakı vəziyyətə həsr olunmuş fövqəladə iclasında deyib.
“İlk növbədə, danışıqlar masası arxasına qayıtmalıyıq. Və bunun üçün MAQATE müfəttişlərinə İranın nüvə obyektlərinə qayıtmağa və uran ehtiyatlarını, o cümlədən, ilk növbədə, 60%-ə qədər zənginləşdirilmiş 400 kq uranı qeydə almağa icazə verilməlidir”, – o deyib.
