Somalinin mərkəzində iki klan arasında həftəsonu baş verən şiddətli toqquşmada azı 55 nəfər həlak olub, daha 155 nəfər yaralanıb.
“Füyuzat”ın məlumatına görə, bu barədə “Reuters” məlumat yayıb.
“Somalinin federal hökuməti təkcə Əl-Qaidə ilə əlaqəli Əl-Şəbab qruplaşmasının törətdiyi zorakılığın qarşısını almaq üçün mübarizə aparmır, həm də Afrika Buynuzu ölkəsində torpaq və suya nəzarət üzərində klan əsaslı toqquşmalarla üzləşir”, – məlumatda qeyd edilib.
Əlavə edilib ki, Qalmuduq bölgəsindən əl-Şəbabı sıxışdırıb çıxaran yarımhərbi qrupda bir-biri ilə vuruşan Dir və Marihan klanları arasında toqquşma şənbə günü Abudvaq və Herale şəhərlərində otlaqlar və suvarma məntəqələri üstündə baş verib.
