Əlcəzair prezidenti Əbdülməcid Tebbun ilə İtaliyanın xarici işlər naziri və Baş nazirin müavini Antonio Tacani bazar ertəsi Şimali Afrika ölkəsinin paytaxtında ikitərəfli iqtisadi əməkdaşlığın müxtəlif aspektlərini müzakirə ediblər.
“Füyuzat”ın məlumatına görə, bu barədə Tacani özü bildirib.
“İtaliya və Əlcəzair arasında əlaqələr çox güclüdür. Biz siyasi əməkdaşlıqdan iqtisadi əməkdaşlığa qədər uzanan, eləcə də mədəniyyət sahəsini əhatə edən bu münasibətləri gücləndirmək üçün irəliləməyə hazırıq. Biz həmçinin iqtisadi əməkdaşlığın müxtəlif aspektlərini, xüsusilə enerji, infrastruktur, tikinti və aqrar sənaye sahələrində bəzi məsələləri müzakirə etdik. Biz Əlcəzairə yeni sərmayələr qoymağa hazırıq”, – o qeyd edib.
