“Çin hakimiyyəti Rusiya Federasiyası ilə yüksək səviyyəli strateji hərtərəfli tərəfdaşlıq münasibətlərini ardıcıl olaraq inkişaf etdirir”.
“Füyuzat”ın məlumatına görə, bu barədə Çin Xarici İşlər Nazirliyinin rəsmi nümayəndəsi Lin Cian bildirib.
“Çin və Rusiya yeni dövrdə hərtərəfli strateji tərəfdaşlığı inkişaf etdirən tərəfdaşlardır. Biz həmişə sıx əməkdaşlığı yüksək səviyyədə saxlayırıq”, – o, Rusiya Təhlükəsizlik Şurasının katibi Sergey Şoyqunun Pekinə hazırkı səfərini şərh edərkən vurğulayıb.
Daha əvvəl Rusiya Təhlükəsizlik Şurasının mətbuat xidməti bildirmişdi ki, Şoyqunun Pekinə Çin sədri Si Cinpin və Çinin xarici işlər naziri Van Yi ilə görüşmək üçün səfəri zamanı baş tutacaq danışıqlarda təhlükəsizlik sahəsində ikitərəfli məsələlərin, həmçinin beynəlxalq və regional problemlərin müzakirəsi planlaşdırılır.
