Füyuzatçılıq 1906-cı ildə bir milləti mədəni və intellektual baxımdan dirçəltmək üçün yaranmış bir ideya idi. O dövrdə gənclik qəzet səhifələrində milli kimliyini kəşf edir, elm və mədəniyyətlə böyüyürdü. Bugünkü gənclik isə bəzən fərqli bir dünyaya yönəlir, orada yaşayır. Telefon ekranları onların pəncərəsi olub, sosial media həm yeni imkanlar açır, həm də dəyərlərin bir sıra hallarda “qarışmasına” səbəb olur.
Düşünürəm ki, əsl füyuzatçı gənc yalnız məlumat öyrənmir, o bütün işlərinə rəğmən, dayanmadan danışır və yazır. Öz milli köklərini, tarixini və mədəniyyətini başa düşür, amma dünyaya açıqdır. İnternetdəki məlumat dənizində ağılla “üzmək”, fikirlərini seçə bilmək bugünkü füyuzatçılığın əlamətidir. Gənclik həm kreativdir, həm də öyrənməyə açıqdır, amma bəzən istiqamətini doğru seçə bilmir.
Gənclik yalnız ekranda deyil, həm də düşüncədə var olmalıdır. Tarix öyrədən deyil, düşünməyi öyrədən müəllimdir. İdeallar bugünkü dünyada yalnız hərəkət və seçimlə ölçülür.
“Füyuzat”ın ruhu bu gün də tələb olunur. Amma indi silkələmək yox, yön göstərmək önəmlidir. Gənclər öz kimliklərini qoruyaraq yeni biliklərlə təchiz oluna bilərlər. Burada rol yalnız dövlətin və məktəbin deyil, həm də ictimaiyyətin, media platformalarının üzərinə düşür.
Bugünkü dünyada millətçilik təkcə coğrafi sərhədlərlə ölçülmür. O, dəyərlərdə, düşüncə tərzində, yaradıcı prosesdə yaşanır. Gənc üçün füyuzatçılıq demək həm köklərini bilmək, həm də texnologiyanın verdiyi imkanlardan səmərəli istifadə etməkdir. Yəni, bir tərəfdən milli kimliyi qorumalı, digər tərəfdən dünya ilə ayaqlaşmalıdır.
Əsl füyuzatçı gənclik yalnız tarixi oxumaqla kifayətlənmir. O, tarixi analiz edir, bugünkü problemlərlə müqayisə edir və gələcək üçün strategiyalar qurur. Bunu etmək üçün informasiya bolluğu bir fürsətdir. Burada seçim və məsuliyyət gəncin üzərinə düşür.
Füyuzatçılıq ideyası çağırışlarla doludur. Qloballaşmanın verdiyi təzyiq, texnologiyanın sürəti və mədəni təsirlər gəncliyi sınayır. Amma hər bir çağdaş gənc bu sınamadan keçərək öz “Füyuzat” ruhunu yarada bilər. Bu ruh düşüncə, yaradıcılıq və milli qürurla dolu olmalıdır.
Gənclik üçün çağdaş füyuzatçılıq həm də məsuliyyət deməkdir. O, tənqid etməyi, analiz etməyi, fərqli baxışları anlamağı öyrənir. Eyni zamanda, öz dəyərlərini qoruyur. Bu, tarixi köklərə hörmət və gələcəyə hazırlıq arasındakı incə bir balansdır.
Bugünkü füyuzatçılıq texnologiya və sosial medianın yaratdığı imkanlardan istifadə etməyi də tələb edir. Füyuzatçı olmaq azərbaycançılıq düşüncəsinə kökünə qədər bağlı olmağı tələb edir. Sosial mediada, yazılı mediada milli təfəkkürə hər bir formada töhfə vermək həm də şərəfli bir missiyadır.
Füyuzatçılıq və gənclik arasında möhkəm bir körpü var. Bu körpü tarixdən gələn idealları çağdaş dünyaya aparır. Gənclik burada həm öyrənir, həm də yaradır. Hər gənc öz fərdi seçimi ilə bu körpünü gücləndirə bilər. Yaradıcılıq ənənə ilə innovasiyanın görüşdüyü yerdə doğulur. Hər fikir bir addımdır, hər addım isə gələcək üçün işıqdır.
Gənclik yalnız əyləncə və gündəlik həyatla kifayətlənməməlidir. O, həm də düşüncəsini inkişaf etdirməli, milli və mədəni məsuliyyətini anlamalıdır. Modern füyuzatçılıq ideyası bunu xatırladır: millətimizi, kimliyimizi və gələcəyimizi qorumaq, amma dünyanı da tanımaq.
Bu yolda valideynlər, müəllimlər və cəmiyyət həm də istiqamətverici rol oynayır. Amma əsas güc gəncin özündədir. O, seçimləri ilə həm öz gələcəyini formalaşdırır, həm də millətin gələcəyinə təsir edir.
İdeallar, dəyərlər və milli kimlik yalnız sözlərdə qalmamalıdır. Onlar gündəlik seçimlərdə, yaradıcılıqda və düşüncədə əks olunmalıdır. Füyuzatın çağdaş ruhu gəncliyə imkan verir ki, tarixi anlasın, dünyanı dəyərləndirsin və gələcək üçün addımlar atsın. Bu, təkcə akademik bilik deyil, həm də həyat təcrübəsi, məsuliyyət və yaradıcılıq tələb edir. Bu gün də “Füyuzat” jurnalı, FUYUZAT tv kimi sosial media platformaları gənclər üçün həm də bir mayakdır.
Gənclik və füyuzatçılıq arasındakı bu əlaqə milli kimliyin və çağdaş biliklərin harmoniyasını yaradır. Bu harmoniyada gənc həm köklərini bilir, həm də dünyanı kəşf edir. Hər bir seçim, hər bir hərəkət bu körpünü daha da möhkəmləndirir.
Yenə də unutmayaq ki, əsl füyuzatçılıq ideyası təkcə tərbiyə və təhsil deyil. O, yaradıcılığı, təfəkkürü, analiz qabiliyyətini və milli qüruru birləşdirir. Bu günün gəncliyi üçün bu, çox ciddi bir çağırışdır.
Modern dünyada “Füyuzat” ruhu ilə yaşayan gənc yalnız oxuyub keçmir. O, düşünür, seçir və yaradır. Hər bir fikir, hər bir layihə, hər bir addım bu ideyanı möhkəmləndirir. Gənclik və füyuzatçılıq arasında bu əlaqə davamlıdır. O, tarixdən gəlir, gələcəyə aparır.
Bu yol həm məsuliyyət, həm də ümid yoludur. Gənclik burada həm milli, həm də çağdaş düşüncənin vəhdətini görür. Modern füyuzatçılıq isə yalnız fikir deyil, həm də hərəkətdir, seçimdir və öhdəlikdir.
Gənclik bu ideyadan istifadə edərək özünü, millətini inkişaf etdirir. Bu inkişaf fərdi və ictimai səviyyədə təzahür edir.
Beləcə, füyuzatçılıq tarixdə qalmayıb. O, gəncliyin ruhunda, düşüncəsində və yaradıcığında davam edir. Bu günün gənci modern “Füyuzat” ruhu ilə həm özünü, həm də millətini gücləndirir. Bizim sağlam düşünən, milli gəncliyimizin sıraları hər gün daha da genişlənir.
