“Amerika Birləşmiş Ştatlarının (ABŞ) Kolorado ştatında ticarət mərkəzində baş verən silahlı insidentdə 1 nəfər ölüb, 2-si ağır olmaqla 3 nəfər yaralanıb”.
“Füyuzat”ın məlumatına görə, bu barədə Kolorado-Sprinqs Polis Departamenti (CSPD) bildirib.
Hadisə Kolorado ştatının Kolorado-Sprinqs şəhərindəki “Citadel Ticarət Mərkəzi”ndə baş verib.
“CSPD “Citadel Ticarət Mərkəzi”ndə atışma xəbəri aldı. Hadisəyə müdaxilə edən məmurlar iki qrup arasında silahlı münaqişə baş verdiyini müəyyən ediblər. Bir kişi güllə yarasından həyatını itirib. Hər biri ən azı bir güllə yarası almış iki yetkin kişi ağır vəziyyətdə yerli xəstəxanalara çatdırılıb. Bir qadın yüngül xəsarətlərlə yerli xəstəxanaya aparılıb. CSPD bir neçə şəxsi saxlayıb və onların insidentdə iştirak edib-etmədiklərini müəyyən etməyə çalışır”, – məlumatda qeyd edilib.
