Braziliyada leysan yağışların səbəb olduğu daşqınlarda həyatını itirənlərin sayının 158-ə yüksəldiyi, 88 nəfərin isə itkin düşdüyü bildirilib.
“Füyuzat”ın məlumatına görə, bu barədə Dövlət Mülki Müdafiəsi məlumat yayıb.
Qeyd edilib ki, ölkənin cənubundakı Rio Qrande-du-Sul əyalətində 2 həftədən çox davam edən yağışların səbəb olduğu daşqınlar nəticəsində can və mal itkiləri artır.
Açıqlamada seldən zərər çəkənlərin sayının 2 milyon 300 mini keçdiyi, 82 min 666 nəfərin fəlakət bölgələrindən xilas edildiyi bildirilib.
Təxminən 30 min adamla axtarış-xilasetmə işlərinin davam etdiyi əlavə edilib.
Milli Mülki Aviasiya Agentliyindən verilən son açıqlamaya görə, yağışların həftə sonuna qədər davam edəcəyi gözlənilir.
