“Avropa İttifaqı (Aİ) iqtisadi və ticarət əməkdaşlığında “əsas tərəfdaş” olaraq görünür”.
“Füyuzat”ın məlumatına görə, bunu Çin sədri Si Tsinpin Pekində Çin-Avropa İttifaqı Zirvə Toplantısı üçün ölkəsinə səfər edən Aİ Şurasının sədri Şarl Mişel və Aİ Komissiyasının sədri Ursula fon der Leyen ilə görüşündə bildirib.
Görüş zamanı Avropa İttifaqı Şurasının prezidenti Şarl Mişel və Avropa Komissiyasının sədri Ursula von der Leyen Avropa İttifaqının Çin ilə sabit, proqnozlaşdırıla bilən və davamlı əlaqələri inkişaf etdirmək istədiyini vurğulayıblar.
Avropa İttifaqının ticarət, yaşıl inkişaf və rəqəmsal iqtisadiyyat sahələrində əməkdaşlığı inkişaf etdirməyə və təchizat zəncirlərini qorumağa ümid etdiyini bildirən Avropa liderləri bütün tərəflərlə iqlim dəyişikliyi və süni intellekt kimi qlobal mövzularda əməkdaşlıq etmək istədiklərini bildiriblər.
Qeyd edək ki, Çin və 27 Avropa İttifaqı ölkəsi arasında növbəti illik sammit bu gün və sabah Pekində keçiriləcək. Sammit 2019-cu ildən bəri ilk üz-üzə görüş olacaq.
Sammitdə tərəflərin ikitərəfli ticarət, həmçinin Rusiya-Ukrayna müharibəsi ilə bağlı geosiyasi məsələləri müzakirə edəcəyi gözlənilir.
