“ABŞ-ın Yaxın Şərqdəki siyasəti uğurlu olmayıb və regionda sülh bərqərar olub”.
“Füyuzat”ın məlumatına görə, bunu Corctaun Universitetinin təhlükəsizlik tədqiqatları proqramının rəhbəri Daniel Byman söyləyib.
“ABŞ regiona sülh gətirməyib, diktaturaları demokratiyaya dəyişməyib və münaqişə davam edən qaynar nöqtələri dinc məkana çevirə bilməyib. ABŞ-ın regiondakı siyasəti çox da uğur qazanmır. Belə ki, məsələn, İraqda rejim dəyişikliyi terrorizmə və qeyri-sabitliyə gətirib çıxarıb”, – ekspert qeyd edib.
“Əgər ABŞ prezidentləri Barak Obama, Donald Tramp və Co Baydeni xarici siyasətdə birləşdirən bir aspekti varsa, bu, Birləşmiş Ştatların Yaxın Şərqdən çəkilməsi arzusudur”, – ekspert bildirir.
O, bu istəyin səbəblərindən birinin ABŞ-ın canlı qüvvə itkisi ilə əlaqəli olduğunu vurğulayır. Onun hesablamalarına görə, son 10 il ərzində bölgədə təxminən 140 ABŞ hərbçisi ölüb. Müəllif vurğulayır: “İraqda Amerika qoşunlarının tamamilə geri çəkilməsi üçün təzyiqlər artır. Bundan başqa, ABŞ Suriyadan qoşun çıxarma imkanını nəzərdən keçirir, İranın dəstəklədiyi proksi qrupların hücumları zamanı tələfat verməkdən qorxurlar”.
Analitik qeyd edir ki, regionda ABŞ əsgərlərinin sayı daim azalır və Vaşinqtonun Yaxın Şərq münaqişələrinə qoşulmasından yorğunluq hissi “çox yüksəkdir”. Baymana görə, bu gün bölgədə təxminən 45 min əsgər var. O, həmin əsgərlərin 15 mininin 2023-cü ilin oktyabrında HƏMAS hərəkatının İsrailə hücumundan sonra bölgəyə göndərildiyini vurğulayır. Bu, 2010-cu ildə regionda olan ABŞ hərbçilərinin sayının yalnız cüzi bir hissəsidir: “İraqda 100 mindən çox, Əfqanıstanda təxminən 70 min, qonşu ölkələrdə isə daha çox sayda hərbiçi var idi”.
