ANAİB I Bakı Kitab Festivalının sonuncu günündə “Füyuzat gəncliyə çağırış” mövzusunda seminar keçirilib.
“Füyuzat”ın məlumatına görə, seminarın moderatoru “Füyuzat” jurnalının məsul redaktoru Samir Ramizoğlu, çıxışçı isə “Füyuzat” jurnalının baş redaktoru Mübariz Yunus olub.
Mübariz Yunus ilk olaraq Əli bəy Hüseynzadənin dərgiçilik fəaliyyətinə başlamasından danışaraq hazırkı dövrdə cəmiyyətin həyatında dərgiçiliyin roluna toxunub.
Sonra Mübariz Yunus “Füyuzat” məktəbinin gələcək hədəflərindən bəhs edib.
O həmçinin oxumağın faydasını uşaqlara erkən yaşda öyrətmək gərəkdiyini bildirib.
Oxucuların sualları və təklifləri dinlənilib.
Sonda isə Mübariz Yunus seminar iştirakçılarına təşəkkür edib.
