Hindistan “Antariksha Abhyas 2024” adlı ilk kosmik təlimini keçirib.
“Füyuzat”ın məlumatına görə, bu barədə Hindistan Respublikasının Müdafiə Nazirliyi məlumat yayıb.
Verilən məlumata görə, 3 gün davam edəcək təlimin məqsədi kosmik aktivlər və xidmətlər haqqında daha dərindən anlayışı təmin etmək, maraqlı tərəflərin kosmik seqmentlərdən asılılıqları haqqında məlumat əldə etmək, həmçinin inkar halında əməliyyatlarda zəiflikləri aşkar etməkdir.
Qeyd edək ki, “Antariksha Abhyas 2024” təlimində Hindistan Müdafiə Kosmik Agentliyi və onun bölmələrinin nümayəndələri, həmçinin Hindistan Hərbi Hava Qüvvələri, quru qüvvələri və donanmasının hərbçiləri iştirak ediblər.
