Ermənistan Azərbaycana noyabr ayında Bakıda keçiriləcək COP29 iqlim konfransından əvvəl sülh sazişinin razılaşdırılmış məqalələrini imzalamağı təklif edib.
“Füyuzat”ın məlumatına görə, bunu Ermənistanın Baş naziri Nikol Paşinyan bildirib.
“Ermənistan tərəfi Bakıda keçiriləcək COP29-dan əvvəl sülh müqaviləsinin artıq razılaşdırılmış məqalələrini imzalamağı, bununla da sülh prosesinin irəliləməsi üçün stimullaşdırıcı mühit yaratmağı təklif etdi”, – deyə o, BMT Təhlükəsizlik Şurasının təşkil etdiyi “Sülh naminə liderlik” tədbiri çərçivəsində “BMT Nizamnaməsi ətrafında birləşmiş, təhlükəsiz gələcəyin axtarışında” müzakirəsində bildirib.
Qeyd edək ki, Bakıda keçiriləcək BMT-nin iqlim konfransı COP29-da 80 mindən çox qonağın, o cümlədən 50-dən çox ölkənin dövlət və hökumət başçılarının iştirakı gözlənilir.
